Um okkur

Bjarni Sveinsson og Sigrún Hjaltalín stofnuðu Sóma 1978 og sérhæfðu sig í hamborgurum til að byrja með. Þar sem örbylgjuofnar voru þá af skornum skammti voru borgararnir steiktir að morgni og svo brunaði Bjarni með þá út svo hægt væri að selja þá heita í hádeginu. Í kjölfarið komu svo samlokurnar, t.d. með rækjusalati, hangikjöti og roastbeef, sem Íslendingar tóku fagnandi og hafa borðað með bestu lyst í áratugi. Nú starfa um 100 manns hjá Sóma sem tryggja að hinir kröfuhörðu viðskiptavinir okkar um land allt fái nýsmurðar samlokur á hverjum degi og fleira gott að borða hvar og hvenær sem er.